மெய்ஞ்ஞானத் தால்போக்கு மேலோனே - தஞ்சமென
வந்தடைந்தேன் உன்றிருமுன் வள்ளலே செந்தூரா
பந்தமறத் தந்தாள் பதம்.
பற்றொன்று மில்லாப் பதடியேன் உன்புகழைக்
கற்றறியாப் பேதையேன் காசினியில் - கற்றவர்கள்
கண்டேத்து நின்றாளைக் காண விழைந்திட்டேன்
உண்டோவப் பேறு எனக்கும் ஓது.
தத்துவம்முப் பத்தாறும் தாண்டியதன் மேல்நிலையை
நித்தியமாப் பற்றும் நியதிதனைச் - சித்தத்தே
ஓதுவிக்கும் நாளின்றே ஓதிடுவாய் செந்தூரா
மாதுமையாள் செல்வனே வந்து.
நோய்என்னைச் சாருமுனம் நொந்துமனம் தேயுமுனம்
தாயென்ன வந்து தயைகாட்டி - தூயஅருள்
தந்தருள் நாள் எந்நாளோ சண்முகனே உண்முகத்தே
வந்தருள் நாள் எந்நாள் வழங்கு.
புலவர் வி. அண்ணாமலை
